روايه حب مجهول الهوية الجزء السادس
المحتويات
ضحك بعد ما قال كلامه ده وصوت ضحكته خطڤ قلبي او بمعنى تاني اتوترت وحسيت برعشة في جسمي هو ازاي بيهزر كده معايا وهو ميعرفنيش ومتقبلناش غير مرة واحدة بس.. لحظة كده هو قال ايه قال السيراميك ابيض صح يبقى هو طارق فعلا اللي كان معايا في القطر انا كده اتآكدت ونطقت اسمه پصدمة طارق..!!
رد وهو بيضحك لسه فاكره اسمي!
مردش عليا وانا اتكلمت مرة تانيه پصدمة اكبر وانت اللي دفعت فلوس المستشفى
برضه مردش وانا كملت كلامي وانت اللي كنت بتبعتلي ورد وبعتلي صندوق الشكولاته في القطر
ملقتش رد منه وده جننني اكتر وقولتله انت مبتردش عليا ليه
حسيت ان رده بارد وده ضايقني وقولتله عايزة افهم واعرف انت ليه عملت كل ده! وعايزة اعرف ايه اللي حصل في القطر قبل ما نوصل أسوان وانا ازاي فقدت وعي بالكامل كده انا المفروض كنت نايمه ازاي اصحى الاقي نفسي في بيت اختي!!
سكت شويه وانا جسمي كله كان بينتفض وعايزة اعرف منه كل حاجة وفي اللحظة دي لقيت اختي بسمه دخلت عليا الاوضه وهي بتضحك وفرحانه وقربت مني تحضني والتليفون كان في ايدي وبكلمه..
كنت ببص ل بسمه پصدمة وجسمي كله بينتفض وهو سامع كل كلمة وساكت وبسمه استغربت من سكوتي وقالتلي
مالك يا احلام انتي مش مبسوطه ولا ايه!
رديت عليها بتوتر لا طبعا يا حبيبتي مبسوطه بس انا متوترة شويه.
انا ابتسمت وهزيت راسي ولسه التليفون في ايدي وعارفه انه سامع كل كلامنا وبسمه وقفت قدام المرايا بتاعي تعدل طرحتها وقالتلي
تعالي ظبطي نفسك بقى هنا عشان العريس عايز يقعد معاكي شويه لوحدكم تتكلموا مع بعض.
عايز يقعد معايا لوحدنا ازاي!
بسمه ضحكت وغمزتلي وقالت مالك يابت خيبه كده! ده خطيبك دلوقتي مش حد غريب وعايز يقعد يتكلم معاكي شويه ويقولك كلمتين حلوين بعد قراية الفاتحة.
هو لازم يعني!
بسمه قربت مني وهي مستغربه الحالة اللي انا فيها وقالت
هو في ايه يا احلام انتي مش طبيعيه النهارده ليه!!
حاولت ابتسم واظهر طبيعيه قدامها وقولتلها
متابعة القراءة
